Img உலகக் கோப்பை கபடி: இறுதிப்போட்டியில் இந்திய அணி World Cup Kabaddi finals Indian team
பதியன்டா, டிச.12-
4-வது உலக கோப்பை கபடி போட்டி (சர்க்கிள் ஸ்டைல்) பஞ்சாப்பில் நடந்து வருகிறது. இதில் பதியன்டாவில் நேற்றிரவு நடந்த ஆண்கள் பிரிவின் அரைஇறுதி ஆட்டத்தில் நடப்பு சாம்பியன் இந்தியா-இங்கிலாந்து அணிகள் மோதின.
விறுவிறுப்பான இந்த ஆட்டத்தில் இந்தியா 62-32 என்ற புள்ளி கணக்கில் வெற்றியை சுவைத்து இறுதிப்போட்டிக்குள் நுழைந்தது. மற்றொரு அரைஇறுதியில் பாகிஸ்தான் 51-33 என்ற புள்ளி கணக்கில் அமெரிக்காவை சாய்த்தது.
வருகிற 14-ந்தேதி லுதியானாவில் நடக்கும் இறுதிப்போட்டியில் இந்தியா-பாகிஸ்தான் அணிகள் பலப்பரீட்சை நடத்துகின்றன. பெண்கள் பிரிவில் நடந்த அரைஇறுதி ஆட்டங்களில் இந்திய அணி 46-16 என்ற புள்ளி கணக்கில் பாகிஸ்தானையும், நியூசிலாந்து 45-25 என்ற புள்ளி கணக்கில் டென்மார்க்கையும் வீழ்த்தி இறுதி சுற்றை எட்டின.
இந்தியா-நியூசிலாந்து இடையிலான இறுதி ஆட்டம் ஜலந்தரில் இன்று நடக்கிறது.
...
0 comments:
Post a Comment