Aam Admi party ministers auto and train arrived at the office

Aam Admi party ministers auto and train arrived at the office டெல்லியை கலக்கும் ஆம் ஆத்மி கட்சி அமைச்சர்கள்: ஆட்டோ மற்றும் ரயிலில் அலுவலகத்திற்கு வந்தனர் Aam Admi party ministers auto and train arrived at the office

புதுடெல்லி, டிச.31-

டெல்லியில் ஆம் ஆத்மி கட்சி காங்கிரஸ் ஆதரவுடன் ஆட்சி அமைத்துள்ளது. அமைச்சர்களாக பொறுப்பேற்றுள்ள ஆம் ஆத்மி கட்சி எம்.எல்.ஏக்கள் தங்கள் எளிமையான பயணங்கள் மூலமும் அதிரடி செயல்பாட்டின் மூலமும் அரசியல் வரலாற்றில் திருப்பத்தை ஏற்படுத்தியுள்ளனர்.

நேற்று டெல்லி தலைமைச் செயலகத்தில் உள்ள தங்களது அலுவலகத்துக்கு அக்கட்சி அமைச்சரான ராக்கி பிர்லா ஆட்டோவிலும், மற்றொரு அமைச்சரான சோம்நாத் பாரதி மெட்ரோ ரெயிலிலும் வந்து கலக்கியுள்ளனர். இதில் மேலும் ஒரு அதிரடியாக அக்கட்சியின் முக்கிய அமைச்சரான மணிஷ் சிசோடியா அங்குள்ள முகாம்களில் தங்கியுள்ள வீடற்ற மக்களுக்கு முறையான வசதிகள் செய்து தரப்பட்டுள்ளனவா என நள்ளிரவில் ஆய்வு செய்தார்.

சோதனை குறித்து அவர் கூறுகையில்:

இங்குள்ள முகாமில் எவ்வித பிரச்சினைகளும் இல்லை. முகாமில் தங்கியுள்ள மக்களிடம் பேசியதில் அவர்கள் அனைவரும் நல்ல முறையில் கவனித்து கொள்ளப்படுவதாக தெரிவித்தனர் என்றார்.

கடும் குளிரான சூழ்நிலையில்கூட நள்ளிரவு நேரத்தில் அவர் ஆய்வு செய்ய வந்தது இங்கு கவனிக்கத்தக்கது. வீடு இல்லாதவர்களுக்காக டெல்லியில் 150 முகாம்கள் உள்ளது. இந்த ஆய்வின் போது அவருடன் அக்கட்சி தலைவர்கள் குமார் விஸ்வாஸ் மற்றும் சஞ்சய் சிங் ஆகியோர் உடனிருந்தனர்.

தனது ஆய்வை முடித்துக்கொண்டு தனது சகாக்களுடன் சிவாஜி மைதானத்தின் அருகே உள்ள சாலையோர உணவகத்தில் உணவருந்திய சிசோடியா கூறுகையில் நாங்கள் சாலையோரத்தில் இருந்து வந்தவர்கள்தான், ஆகையால் சாலையோர உணவகத்தில் சாப்பிடுவதில் தவறில்லை என்றார்.
...
Aam Admi party ministers auto and train arrived at the office